اسلام آباد: بین الاقوامی مالیاتی فنڈ (آئی ایم ایف) وزیراعظم شہباز شریف کی کابینہ کی تشکیل کے بعد دوسرے معاشی جائزے کے لیے اپنا مشن اسلام آباد بھیجنے کے لیے تیار ہے۔

آئی ایم ایف کے ڈائریکٹر کمیونیکیشن نے کہا کہ فی الحال توجہ جاری اسٹینڈ بائی پروگرام کو مکمل کرنے پر ہے جو کہ اپریل 2024 میں ختم ہو رہا ہے، اسٹینڈ بائی پروگرام کے دوسرے جائزے کے لیے ایک مشن نئی کابینہ کی تشکیل کے فوراً بعد روانہ کر دیا جائے گا۔ پاکستان میں

واشنگٹن میں ایک پریس کانفرنس سے خطاب کرتے ہوئے آئی ایم ایف کی ڈائریکٹر کمیونیکیشنز جولی کوزیک نے کہا کہ موجودہ اسٹینڈ بائی انتظامات کو مکمل کرنا ایک ترجیح ہے، معاشی استحکام کو یقینی بنانے کے لیے پاکستان کی نئی حکومت کے ساتھ مل کر کام کرنے کے منتظر ہیں۔

اس سے قبل یہ بات سامنے آئی تھی کہ نو منتخب مسلم لیگ (ن) کی زیرقیادت حکومت نے آئی ایم ایف کے نئے قرضے کے پروگرام سے فائدہ اٹھانے کا فیصلہ کیا ہے، اور وزارت خزانہ نے وزیراعظم کی ہدایت پر کارروائیاں شروع کردی ہیں۔